Քրիստինե Պեպելյանը` դասախոսական ամբիոնից

12:16 • 16.05.18



 

Հոգատար, մարդամոտ, անմիջական, բարի, մեծահոգի, սիրուն, նուրբ` մարդկային տեսակով և երգելաձևով. բնորոշիչների այսպիսի փունջ ստացվեց, երբ ուսանողներին խնդրեցինք բնորոշել իրենց դասախոս Քրիստինե Ռուբենովնային, որը նույն ինքը` երգչուհի Քրիստինե Պեպելյանն է։ Վերջում ուսանողները եկան կոնսենսուսի և գտան ընդհանուր բնորոշիչ` հրաշք։)

 

Tert.am Life–ի՝ «Հայտնիները դասախոսական ամբիոնից» շարքի շրջանակում այս անգամ այցելել ենք Քրիստինե Պեպելյանի դասին։ Կոնսերվատորիայի ներքնահարկի փոքրիկ սենյակում երգչուհին իր ուսանողների հետ ստեղծագործական միջավայր է ստեղծել։ Դասերն անցնում են ոչ ֆորմալ ձևաչափով` նվագում են, երգում, պարում, կատակում։

 

«Կան դասախոսներ, որոնք չունեն այնքան փորձ ու տաղանդ, որքան Քրիստինե Ռուբենովնան, սակայն իրենց շատ հեռու են պահում ուսանողներից։ Քրիստինե Ռուբենովնան ունի ամեն ինչ, սակայն այդ ամենի հետ մեկտեղ շատ անմիջական ու ընկերական է։ Իհարկե,  զգում ենք, որ նա մեր դասախոսն է, սակայն մեզ մոտ շատ անմիջական մթնոլորտ է»,– ասաց երգչուհու ուսանողներից մեկը` Քրիստինեն։

 

 

«Նա շատ հասկացող է։ Ամենակարևորը` ամեն հարցում աջակցում է մեզ, օգնում, խորհուրդներ տալիս։ Այնպես է արել, որ այս լսարանը մեզ համար երկրորդ տուն է դարձել»,– ավելացրեց Մարիամը։

 

Քրիստինեին խնդրել էինք դուրս գալ լսարանից, ուսանողները պատմում էին, որ երգչուհին իրենց համար գտնում է ամենաանհասանելի «մինուսները», փորձում է ոչ միայն երաժշտական կրթություն տալ, այլև իբրև լավ մարդ ձևավորել, գնահատականներ նշանակելիս հօգուտ իրենց է որոշում կայացնում, եթե քննության ժամանակ սխալվում են, հաշվի է առնում տարվա ընթացքում արած աշխատանքը։ Մեկը մյուսին ընդհատելով նրանք պատմում էին այս մասին, երբ Քրիստինեն վերադարձավ լսարան ու իրեն բնորոշ հումորով ասաց` բավական է։

 

Զրույցը շարունակեցինք Քրիստինեի հետ` շարունակելով ուսանողների համար կարևոր գնահատականների թեման։ Ասում է` երբևէ չի եղել, որ որևէ ուսանող բողոքի իր նշանակած գնահատականից, թեև լինում են ոչ միայն բարձր, այլև ցածր գնահատականներ։

 

«Ես օբյեկտիվ եմ։ Եթե անգամ, որևէ մեկի գնահատականն այդ պահին եղել է ամենացածրը, համոզված եմ` նա իմացել է, որ դա ինքնանպատակ չէր, ցածր գնահատականն ամենաբարձրն էր` ցածրերի միջից, գուցե, դրել եմ այդ ցածր գնահատականը` ավելի ցածր չդնելու համար։ Իրենց գնահատականները պայմանավորված չեն միայն քննության ժամանակ երգելով։ Ես հաշվի եմ առնում, թե ինչպես և ինչ պատրաստակամությամբ են հաճախել դասի։ Որպես աշխատող երգչուհի` ես հասկանում եմ, որ հնարավոր է քննության 3 րոպեի ընթացքում չստացվի լավագույնը, որն իրականում կարող է տվյալ ուսանողը, բայց ես լավ գիտեմ իրենց հնարավորությունները։ Եթե մարդն ամբողջ տարի սովորել է, եղել պարտաճանաչ, հարգել դիմացինին, 3 րոպեի ընթացքում թույլ տված մի կիքսի համար չես կարող ցածր գնահատական նշանակել։ Դա արդար չի լինի, առավել ևս, որ կան ուսանողներ, ովքեր լավ են սովորում և այդ նիշի պատճառով կարող են զրկվել, օրինակ, մի ամբողջ տարվա զեղչից օգտվելու հնարավորությունից»,– ասաց երգչուհին։

 

 

Քրիստինեն պարտադրաբար լսարան մտնող դասախոս չէ, Կոնսերվատորիայում ուսանողներն իրենց կամքով են ընտրում մասնագիտության իրենց ուսուցչին, այնպես որ, խմբում մարդիկ են, ովքեր ի սկզբանե ցանկություն են հայտնել լինելու Քրիստինեի խմբում։

 

Երգչուհին նկատեց, որ իրենց հարաբերությունները կառուցվել են փոխադարձ վստահության և հարգանքի վրա, ինչը շատ կարևոր է։ «Տարիներ շարունակ իրենք ինձ ճանաչել են որպես երգչուհու, սակայն այստեղ հայտնվեցինք այլ հարթության վրա։ Չգիտեմ` ես խի՞ստ դասախոս եմ, թե՞ ոչ։ Չեմ կարծում, որ խիստ դասախոս եմ, որովհետև սա այն աշխարհը չէ, որտեղ պիտի խստություն անես, այստեղ էմոցիան է կարևոր, հոգի պետք է լինի։ Ես իրենց ազատ մտածելու, ազատ երգելու, երգելու կամ չերգելու հնարավորություն եմ տալիս։ Լինում են օրեր, երբ իրենք գալիս են, բայց էմոցիոնալ առումով չեն կարող երգել։ Որպես երգչուհի` ես դա հասկանում եմ և չեմ ստիպում։ Գիտեմ, որ եթե երգեն էլ, լավ չի ստացվելու։ Երեխաներ կան, որոնք սիրահարվում են։ Պիտի թողնես, որ մարդն այդ շրջանում ինքը սիրահարված անցկացնի։ Չես կարող շատ բան պահանջել, ստիպել,– ասաց երգչուհին ու հավելեց, որ ուսանողների հետ նաև անձնական շփումներ է ունենում, տեղյակ է նրանց կյանքի  տարբեր պրոցեսներից։ –Շատ դեպքերում ես տեղյակ եմ իրենց անձական խնդիրների, ընտանիքների մասին։ Իրենք շատ բաց են ինձ հետ։ Գիտեն, որ կարող են խոսել ինձ հետ, և դա չի քննարկվի այլ մարդու հետ»։

 

Քրիստինեն վստահեցնում է` իրեն սիրահարված ուսանող չի ունեցել։ «Իրականում, ես իրենց ծնողների տարիքին եմ։ Ունեմ ուսանող, որի մայրիկն ինձանից փոքր է։ Երբեք նման մոտեցում լինել չի կարող»,– ասաց 38-ամյա երգչուհին։

 

 

Չնայած ընկերական հարաբերություններին` երգչուհին կարևորում է սուբորդինացիայի պահպանումը։ Ասում է` ամեն ինչ չափի մեջ է գեղեցիկ։ «Մենք ընկերություն ենք անում, միասին ինչ–որ տեղեր ենք գնում, սիրուն միջոցառումներ ենք ունենում, բայց կա մի սուբորդինացիա, որը ոչ ես, ոչ էլ, առավել ևս, իրենք, չենք կարող անցնել։ Իրենք շատ լավ  գիտեն այդ չափը։ Ես չգիտեմ` որտեղ է այդ չափը, հստակ նշաձող չկա, սակայն իրենք, իրենց ներքին կուլտուրայից, դաստիարակությունից ելնելով, երբեք չեն անցնում այդ սահմանը»,– ասաց նա ու հավելեց, որ 4 տարվա դասախոսական պրակտիկայի ընթացքում չի ունեցել ուսանող, որը կորցրել է չափի զգացողությունը։

 

Միաժամանակ Քրիստինեն շեշտեց, որ կարևորում է, երբ ուսանողն ունի տեսակետն ու արտահայտում է այն։ Երգչուհին իր աշխատանքներն էլ քննարկում է ուսանողների հետ, լսում նրանց տեսակետները։ «Ես միշտ պատրաստ եմ քննարկումների։ Իրենք ինձանից վերցնում են տարիների իմ փորձը, ես էլ ուրիշ բաներ եմ վերցնում իրենցից, օրինակ` երիտասարդ էներգետիկան, ուրիշ մտածողությունը։ Կան երեխեք, որոնք լրիվ այլ ուղղությամբ են մտածում, այնքան հետաքրքիր սիրուն բաներ են զգում։ Մեզնից շատերը, երբեմն, ստանդարտի մեջ են մտածում, հիմա երեխեքը այլ մտածողություն ունեն։ Իմ բոլոր երգերի ստեղծման ընթացքին` «բալվանկայից» մինչև վերջնական տարբերակը ուսանողներս հետևում են, անում իրենց առաջարկները։ Սովորաբար մեր կարծիքները շատ չեն տարբերվում իրարից։ Հիմնականում իրենք համաձայն են լինում այն ամենի հետ, ինչ ես անում եմ։ Եղել են նաև դեպքեր, երբ միասին գնացել ենք  ձայնագրման ստուդիա։ Ես իմ կուրսի աղջիկների հետ ձայնագրեցի «Մարտիկի երգը», նրանք ինձ հետ երգեցին նաև բեմում։ Կարևորում եմ, որ մեր աշխատանքը նաև դասարանից դուրս լինի, որովհետև սա շատ մասշտաբային աշխատանք է։ Միայն լսարանում չես կարող պրակտիկա ձեռք բերել»,– նկատեց երգչուհին։

 

Ամենակարևոր բանը, որ երգչուհին ուզում է սովորեցնել իր ուսանողներին` իրենց ասելիքն ու երաժշտական ուղղությունը գտնելն է։ Ասում է` սկսնակ երգիչը չպիտի ամեն օր փոփոխի իր ոճը` ցույց տալու համար, որ ամեն ինչ գիտի, այդպես նա չի տպավորվի։ Իր օրինակով Քրիստինեն  կարևորում է նախ տեսակ ու ձեռագիր ձևավորելը, հետո փորձարկումներ անելը։ «Առաջին հիմնաքարը շատ կարևոր է։ Գունապնակի մեջ քո գույնը պիտի ունենաս`  իմանաս` ով ես դու, ինչու ես եկել և ինչ ես տալու մարդկանց, ինչու ես զբաղեցնում բեմը։ Երգը  հավերժ ընտրություն է։ Երաժշտական աշխատանքը չի լինում լրացնել այլ գործով։ Այստեղ կարևոր է հոգին, անկեղծությունը։ Երգչի աշխատանքը զուտ երգելը չէ, գոյություն ունի կապ հանդիսատեսի հետ, խոսք, համբերություն, հարգանք դիմացինի հանդեպ»,– սովորեցնում է երգչուհին։

 

 

Երաժշտական ուղին լի է նաև հիասթափություններով։ Քրիստինեն շեշտում է` պետք է համբերատար լինել և առաջ է քաշում կյանքի իր փիլիսոփայությունը` ամեն իրավիճակում շնորհակալ լինել. «Իրենց ասել եմ, որ պիտի շնորհակալ լինեն կյանքի բոլոր հիասթափություններից։ Ամեն հիասթափություն նոր գաղափար է տալիս մարդուն, շատ բան է փոխում։ Եթե դրանք չլինեն, ճիշտ բալանսի մեջ չենք մնա։ Ամեն ինչ իր ժամանակն ունի, համբերություն է պետք։ Սա այն աշխատանքն է, որը միանգամից չի լինում։ Լավ էլ չէ, եթե միանգամից ստացվի, որովհետև միանգամից էլ կավարտվի»։

 

Քրիստինեն վստահեցնում է` ուսանողների հանդեպ  օբյեկտիվ է` մեկին չի գերադասում մյուսից. «Ուսանողներիս շարքերում է նաև քրոջս աղջիկը։ Տարիներ շարունակ իրենք չեն էլ իմացել, որ Քրիստինան իմ զարմուհին է, որովհետև ինքը գիտեր, երբ մենք մտնում ենք լսարան, ես  իր համար Քրիստինե Ռուբենովնան եմ, նա չի կարող ինձ հետ խոսել «դու»–ով, ինչպես սովոր է անել մանկուց։ Եթե լսարանում ինչ–որ մեկը սխալ է, ուրեմն, սխալ է։ Կարևոր չէ` ով է նա։ Մենք առանց որևէ ագրեսիայի ու անձնական վիրավորանքի քննարկում ենք աշխատանքային բոլոր խնդիրները»։

 

Քրիստինեի ուսանողների թվում են նաև «Հայաստանի ձայնը» նախագծում իր թիմում ընդգրկված Անահիտ Պետրոսյանը, X-Factor նախագծում Անդրեի թիմում ընդգրկված Քերոբ Հովելյանը։

 

Քրիստինեն Կոնսերվատորիայում անցկացնում է շաբաթական երկու օր։ Շրջագայությունների ընթացքում լինում են բացակայություններ, սակայն ասում է, որ դրանք, անպայման, լրացնում են։ Երգչուհին իրեն բնորոշում է որպես պարտաճանաչ դասախոս. «Չի լինում, որ ես չկարողանամ դասի գալ, իրենց տեղյակ չպահեմ, սպասեցնեմ։ Պրակտիկորեն չի լինում, որ ես ուշանամ դասից։ Առհասարակ, որևէ տեղից չեմ ուշանում»։

 

Մեր այցի ժամանակ նա  հագնված էր դասական ոճով։ Նա նշեց, որ մեզ համար էր պատրաստվել, առհասարակ, կարող է դասի գալ նաև սպորտային հագուստով, իրենք սահմանափակումներ չեն դնում, սակայն կա մի սահման, որը չի անցնի։ Սպորտային հագուստն էլ պետք է դասախոսին վայել լինի։

 

 

Մեր զրույցի ժամանակ լսարան եկավ նաև Արմանուշ Լևոնովնան, ջերմորեն ողջունեց նախկին ուսանողուհուն, ով այսօր արդեն իր գործընկերուհին է։ Պարզվում է` նա մեծ դեր է ունեցել Քրիստինեի` դասախոս դառնալու հարցում։ «Այս հաճույքի ու պատվի հեղինակն իմ դասախոս Արմանուշ Լևոնովնան է, որի մոտ ես սովորել եմ 8 տարի` բակալավրում, մագիստրատուրայում, ասպիրանտուրայում։ Սկզբում եկել էի իր մոտ որպես ասիստենտ, հետո մնացի որպես դասախոս։ Եթե չլինեին նա և իր ձգտումը, որ ես մնամ իր կողքին, այստեղ չէի լինի։ Արմանուշ Լևոնովնան ասում էր` ես ուզում եմ, որ իմ սաներից որևէ մեկը մնա կողքիս և աշխատի որպես դասախոս։ Իր շնորհիվ իմ մտքով անցավ, որ կարելի է նաև դասավանդել»,– ասաց երգչուհին ու հավաստիացրեց` երբևէ չի մտածել այս աշխատանքը թողնելու մասին։ Ասում է` ուսանողներին չափազանց շատ է սիրում, հետո հպարտությամբ հավելում, որ իր մոտ հավաքված են լավագույնները. «Երևի ամեն դասախոս նույնն է ասում, բայց ինձ մոտ տպավորություն է, որ ինձ մոտ հավաքվել են լավագույն երեխեքը։ Դասախոսներից շատերն էլ փաստում են, որ ես ունեմ ուժեղ դասարան։ Հետաքրքիր գունապնակ ունենք, որտեղ բոլոր գույները կան»։

 

Դասախոսները հաճախ ծիծաղելի են որակում իրենց աշխատավարձը։ Քրիստինեն այս թեմայով դժվարացավ խոսել. «Ես չգիտեմ` ինչքան աշխատավարձ եմ ստանում։ Աշխատավարձս փոխանցվում է իմ հաշվեհամարին, բայց չգիտեմ` որքան է այն կազմում, որքան է եղել սկզբում և որքան է ավելացել հիմա, երբ ուսանողներիս թիվն ավելացել է։ Հարցն այն չէ, որ չեմ կարևորում աշխատավարձը, պարզապես աշխատավարձը վերջին թեման է, որի համար ես այստեղ աշխատում եմ։ Ես այս աշխատանքն անում եմ հաճույքի համար, ինձ համար սա ուրիշ աշխարհ է։ Այստեղ աշխատելն ինձ համար ոչ միայն հաճույք է, այլև մեծ պատիվ։ Ես հնարավորություն ունեմ աշխատելու Հայաստանի ամենասիրուն, ստեղծագործ բուհերից մեկում։ Երևանի պետական կոնսերվատորիայի դասախոս լինելն ամենամեծ աշխատավարձն է, որ ես երբևէ կարող էի ունենալ։ Ես չգիտեմ` բարձր եմ ստանում, թե ցածր, բայց կուզեի, որ մանկավարժները բարձր աշխատավարձ ստանային»,– նշեց երգչուհին։

 

Լուսանկարները՝ Գրիգոր Հովսեփյանի

Ամալյա Հովհաննիսյան





Загрузка...

ԼՐԱՀՈՍՕրվա բոլոր նորությունները

14:05 • 18/08

Քայլի Ջենների՝ հայկական դրոշ հիշեցնող պատկերով հանդերձանքն ու դստեր մասին հարցազրույցը Vogue Australia-ի էջերում

13:04 • 18/08

Paji-ն, Ten Walls-ը և այլ հայտնի դիջեյներ՝ մեկ բեմում. Ծաղկաձորում մեկնարկեց «Epic Eye» երաժշտության եւ արվեստի բացօթյա փառատոնը

14:45 • 17/08

«Այս տարի շատ ուրախ էի». Սիսիան Սեփանյանը՝ տարեդարձի խնջույքի և ընկերների անակնկալի մասին

14:12 • 17/08

Սոֆյա Պողոսյանի և Աշոտ Տեր-Մաթևոսյանի սիրառատ լուսանկարները

13:12 • 17/08

Քիմ Քարդաշյանը` երեխաների հետ Մայամիում հանգստանալիս (լուսանկարներ)

11:24 • 17/08

«Տարբերվող կերպարներով եմ ներկայացել». Մաշա Մնջոյանը՝ ակումբային ռիթմերով նոր տեսահոլովակի մասին

16:14 • 16/08

Շպռոտի գայթակղիչ տեսքն ու Lazzaro-ի հետ նոր տեսահոլովակը

13:30 • 16/08

Ալեքսանդր Բաբասյանի և որդու տարեդարձի խնջույքն ու կնոջ անակնկալը

17:25 • 15/08

«Շնորհավոր տարեդարձդ, իմ երջանկություն». Արմինկայի հուզիչ գրառումը՝ որդու 9-ամյակի առթիվ

17:01 • 15/08

«Եթե կերպարը պահանջում է, ուրեմն պետք է արվի». Հասմիկ Խոջյանը՝ ոճային փոփոխության և նոր ֆոտոշարքի մասին

11:25 • 15/08

Պրեմիերա. PROJECT LA - «Մահվան տեսիլ»

11:09 • 15/08

«Իրարից կատարյալ տարբեր են». ծնվել են Դավիթ Գրիգորյանի զույգ աղջիկները

17:42 • 14/08

«Ինձ դաստիարակելն արդեն ուշ է». Վարդան՝ իրեն քննադատողների, 14 տարեկանում տանից հեռանալու մասին

16:39 • 14/08

Զարուհի Բաբայանի սաները՝ «Դեպի Մանկական Եվրատեսիլ» նախագծի մասնակից

12:03 • 14/08

«Ընկերուհիներիս հետ առաջին անգամ էի այդքան հեռու գնում». Եվա Բաղդասարյանը՝ Եգիպտոսում ամառային հանգստի և գործնական նոր առաջարկի մասին

11:18 • 14/08

«Շնորհակալ եմ Աստծուն, որ հենց դու ես իմ քույրը». Արփի Գաբրիելյանի լուսանկարը՝ քրոջ հետ

16:38 • 13/08

Երգչուհի Արևիկ Ալավերդյանը՝ որդու մկրտությունը Հայաստանում կազմակերպելու և ստեղծագործական նորության մասին

15:59 • 13/08

Անի Երանյանը՝ ANI’E բեմական անունով ներկայացրել է նոր տեսահոլովակի անոնսը

13:45 • 13/08

«Ազատությունը հենց թռիչքն է՝ հոգու, սրտի, մտքի». Նազենի Հովհաննիսյանի նոր լուսանկարը Սիցիլիայում ամառային հանգստից

12:16 • 13/08

Հագեցած, ռիթմիկ և անակնկալներով օր՝ Սևանի ափին. կայացավ Sevan Summer Sprint-ը՝ Dj Սերժոյի, Ֆելիքս Խաչատրյանի, Միշոյի և Ռեինկարնացիայի մասնակցությամբ

14:00 • 11/08

«Կերպարս հայկական մենթալիտետին բնորոշ չէ». Անատի Սաքանյանը՝ ստեղծագործական նորության և ամառային հանգստի մեկնելու մասին

12:23 • 11/08

«Լուրջ վնասվածք չեմ ստացել». Էմմա Սապունջյանը՝ վթարի մեջ հայտնվելու, վարորդական փորձի և մեքենա նվեր ստանալու մասին

16:35 • 10/08

«Ուզում եմ, որ հրաշքները միշտ ուղեկցեն մեզ մեր կյանքում». Արամեն և Աննան նշում են իրենց պսակադրության 2-ամյակը

13:39 • 10/08

Աննա Մանուչարյանի դուստրը՝ 11-ամյա Արփին «Դեպի մանկական Եվրատեսիլ» նախագծին մասնակցելու, մայրիկի խորհուրդների և մրցույթից ակնկալիքների մասին

12:11 • 10/08

Մարինկա Խաչատրյանի սիրելիի ռոմանտիկ անակնկալը՝ իրենց ծանոթության 1-ամյակի առթիվ

10:59 • 10/08

Սամվել Գրիգորյանի դուստրը՝ երգչուհի Նարեն պսակադրվել է

17:15 • 09/08

Անի Երանյանի և Աբրահամ Ռուսոյի սիրառատ լուսանկարը

16:12 • 09/08

«Շատ հաճախ եմ հայտնվում դեպրեսիայի մեջ». Էվա Խաչատրյանն անկեղծանում է

14:39 • 09/08

Լուիզա Ղամբարյանը լուսանկար է հրապարակել Կիպրոսում ընտանեկան հանգստից

13:01 • 09/08

Մովսես Երեմյանի և Աննա Սիմոնյանի որդու անունը հայտնի է

12:08 • 09/08

«Երազանքս է հայտնվել «Եվրատեսիլի» բեմում». 12-ամյա Մելիսան՝«Դեպի մանկական Եվրատեսիլ» նախագծի մասնակից

18:50 • 08/08

Իննա Խոջամիրյանը` ոճային փոփոխության և «Էլենի օրագիրը 2»–ի անսպասելի զարգացումների մասին

16:28 • 08/08

Արևիկ Ուդումյանի որդու 2-ամյակի գունեղ խնջույքը մանկապարտեզում

15:07 • 08/08

Գինու պատրաստումից մինչև այն համտեսելու մշակույթ. Վայոց ձորը՝ գինու ուղին բացահայտելու տարածաշրջան

13:16 • 08/08

Մարտա Կիրակոսյանը` ընկերության, սիրելու և ապագա ընտանիքի մասին

12:05 • 08/08

Ինգա Արշակյանը հայտնել է երկրորդ երեխայի սեռն ու անունը

18:31 • 07/08

«Պատասխանատվությունը մեծ է». ի՞նչ դերակատարում կունենա Վարուժան Մարգարյանը «Էլենի օրագիրը 2»–ում

15:52 • 07/08

Դավիթ Աղաջանյանի դիզայներական աշխատանքն ու սիրելիին որպես մոդել ընտրելու պատճառը

13:27 • 07/08

«Հպարտ կլինեմ կոչվել զինվոր». երգիչ Ռոբերտ Քոլոյանը զորակոչվել է բանակ

12:27 • 07/08

ԱՄՆ-ում ծնվել է Ինգա Արշակյանի երկրորդ երեխան

18:15 • 06/08

«Նրա անակնկալը ստացված էր». Ադրիանա Գալստյանը՝ 23-ամյակի խնջույքի և անակնկալի մասին

17:38 • 06/08

«Անձրևը խանգարեց ռոմանտիկ երեկոյին». Սուրեն Առուստամյանը՝ կնոջ տարեդարձի անակնկալի և ընտանեկան կյանքի մասին

17:31 • 06/08

«Կյանքս». Քլոե Քարդաշյանը դստեր լուսանկարն է հրապարակել՝ այն ուղեկցելով հայերեն բառով

16:40 • 06/08

Մոսո Կարապետյանի 30–ամյակն ու որդու համար կազմակերպված baby shower–ը

16:01 • 06/08

Տաթևիկ Ադումյանը մի քանի տարվա դադարից հետո լուսանկար է հրապարակել ամուսնու հետ` վերջ տալով ամուսնալուծության լուրերին

13:31 • 06/08

Նունե Եսայանի 49-ամյակի և տեսահոլովակի շնորհանդեսի հայտնի հյուրերն ու ամուսնու շնորհավորանքը

12:13 • 06/08

Հյուսիսային պողոտան՝ տարազային մշակույթի կենտրոն. «Երևան ՏԱՐԱԶֆեստ» 4-րդ փառատոնի մասնակիցներն ու հետաքրքիր դրվագները

18:04 • 04/08

Հայաստանը «Մանկական Նոր ալիք 2018»-ում ներկայացրած Վարդան Մարգարյանը ուժերը կփորձի «Դեպի Մանկական Եվրատեսիլում»

15:12 • 04/08

«Աշխատանքը հիմնված է մեր ընկերության վրա». Լևոն Տեր–Պետրոսյանը` «Ազնիվ գողեր» ֆիլմի մասին

14:00 • 04/08

«Աղջիկս կարծես ընկերուհիս լիներ». Իվետա Եդիգարյանը՝ դստեր հետ ամառային հանգստի և տպավորությունների մասին

13:18 • 04/08

«Չեմ հիշում որևէ համերգ, որ այս երգը երգելիս չարտասվեմ». Սիլվա Հակոբյանի երգն իր կյանքի պատմության մասին

11:55 • 04/08

Ամերիկաբնակ հայ գործարար Աննա Կարապետյանը` Հայաստան վերադառնալու որոշման և բարեգործական նախագիծ սկսելու մասին

18:23 • 03/08

«Դաժան պատմության մեջ ընկանք». Ջուլիա Եղշատյանի նոր ֆոտոշարքը

17:30 • 03/08

«Նվագախմբի երեխաներից» 9-ամյա Վովան` «Դեպի Մանկական Եվրատեսիլի» մասնակից

16:00 • 03/08

«10 օր բուժման կուրս պետք է անցնեմ». Լիլի Սարգսյանը՝ առողջական խնդրի մասին

14:46 • 03/08

«Էլենի օրագիրը 2». դերասանական կազմի փոփոխություններն ու առաջին մանրամասները

12:09 • 03/08

Արենա Զեյնալյանի տարբերվող ֆոտոշարքն ու բարեգործական նախագիծ սկսելու ծրագրերը

16:54 • 02/08

«Շատ ծանր տարանք բաժանումը». Ռոմելլա Թամարյանը՝ «Երկրորդ Վիցե Միսս ԱՊՀ» ճանաչվելու, թեժ մրցակցության և աղջիկների հետ հարաբերությունների մասին

16:42 • 02/08

«Կտխրեի, եթե թագս տայի ուրիշին». Շուշան Երիցյանն «Միսս ԱՊՀ» կազմակերպիչների նվերի` թագն իրեն պահելու և Իտալիայում հանգստի մասին

14:42 • 02/08

Քայլի Ջեների ընկերոջ` ռեփեր Թրևիս Սքոթի նոր ալբոմի շապիկին նկատել են «հայկական դրոշը»

13:14 • 02/08

«Կինս անակնկալ ձևով ինձ հայտնեց հղիության լուրը». Տիգրան Կարապետյանը շուտով հայր կդառնա

12:53 • 02/08

Անդոյի նվերը` կնոջ 32–ամյակին

17:59 • 01/08

«Եղել է մի պահ, երբ մտածել եմ այլ գործ գտնելու մասին». Աղաս Մանուկյանն անկեղծանում է

15:59 • 01/08

«Մասնակցում եմ հաղթելու համար». 19-ամյա Հովհաննես Սեմերջյանը՝ Costa Blanca fashion week մրցույթին կներկայացնի Կովկասը

14:26 • 01/08

Արթուր Գրիգորյանը Արցախի նախագահի կողմից պարգևատրվել է «Մեսրոպ Մաշտոց» շքանշանով

13:55 • 01/08

Սարոն լուսանկար է հրապարակել նորածին դստեր հետ զբոսանքից

13:17 • 01/08

Ամառային թեժ փարթի-համերգ՝ Սևանի ափին. Միշոն, Ֆելիքս Խաչատրյանը, Ռեինկարնացիան և Dj Սերժոն Sevan Summer Sprint-ում և սպասվող անակնկալները

20:01 • 31/07

Զառա Սահակյան. «Ամեն ինչ սոցցանցերում հրապարակող մարդիկ կորցնում են իրականությունը»

19:05 • 31/07

Անի Երանյանը` հոգու, մարմնի ու հաճույքների մասին

17:39 • 31/07

Ջասթին Բիբերը մտադիր է կազմակերպել «տարվա լավագույն հարսանիքը»

16:46 • 31/07

ՄԵրի Մակարյանը` Մհերի նոր տեսահոլովակում

12:55 • 31/07

Յուլյա Ֆինկը, Մենչի դուստրը, Շուշան Երիցյանը չեն նկարահանվի «Դեպի երազանք 2»–ում. նախագծի կազմի փոփոխություններն ու նոր հերոսները

18:59 • 30/07

Եվա Ռիվաս. «Շատերին հունից հանում է իմ չափից ավելի բարձր ինքնագնահատականը»

18:33 • 30/07

Քիմ Քարդաշյանի նոր կարճ սանրվածքն ու երեկոյան ժամադրությունն ամուսնու հետ

17:44 • 30/07

5 տարի առանց Մարկ Սաղաթելյանի. այսօր դերասանի մահվան տարելիցն է

16:19 • 30/07

Մարտ Բաբայանը հայր է դարձել և հետաքրքիր անուն ընտրել փոքրիկի համար

13:07 • 30/07

Անահիտ Սիմոնյանի նոր նախագծի շնորհանդեսը, հայտնի հյուրերը, շքեղ տորթն ու կարևոր պահին Հայկոյի բացակայության պատճառը

18:25 • 28/07

Պրեմիերա. PROJECT LA - «Աշնան մեղեդի»

12:58 • 28/07

«Երջանիկ եմ, որ այսպիսի ընտանիք ունեմ». «Միսս Հայուհի» Արենա Զեյնալյանի բլից հարցազրույցը

12:20 • 28/07

«Վիտամինցի» Վաչեի ընտանեկան հանգիստը Հունաստանում

11:18 • 28/07

«Միսս ԱՊՀ 2018»–ին Հայաստանից Ռոմելլան զբաղեցրեց 3–րդ տեղը, հաղթեց Ուկրաինայի ներկայացուցիչը

18:15 • 27/07

Ինչպես է անցել Դիանա Գրիգորյանի սցենարով «Թունավոր սեր» հեռուստասերիալի վերջին սերիայի նկարահանումը

15:59 • 27/07

Մանե Գրիգորյանի հանգիստն Իսպանիայում և տպավորությունները Բեյոնսեի և Jay–Z–ի համերգից

14:13 • 27/07

Հայկոյի, Մենչի և ՈւՀԱ «Նոր հայեր» թիմի մյուս անդամների հանգիստը Տանզանիայում

12:40 • 27/07

Այսօր կկայանա «Միսս ԱՊՀ 2018» մրցույթը, որին Հայաստանը կներկայացնի 23-ամյա Ռոմելլան, հաղթողին կթագադրի Շուշան Երիցյանը

16:32 • 26/07

Սարոն կրկին հայր է դարձել

14:47 • 26/07

Լուսինե Թովմասյանի 32-ամյակի խնջույքն ու հայտնի հյուրերը

14:02 • 26/07

«Օսկարակիր դասախոսներ ունենք, որոնք Հոլիվուդից գաղտնիքներ են պատմում». Էմմա Հակոբյանը՝ ԱՄՆ–ում ուսում ստանալու և սիրելիից՝ «Վիտամինի» Վանից հեռու լինելու մասին

12:53 • 26/07

Քայլի Ջեները սկսել է ավելի թանկ վարձատրվել, քան Քիմ Քարդաշյանը. որքա՞ն արժե գովազդային մի հրապարակումն աստղերի էջերում

11:37 • 26/07

Սիրուշոն կներկայացնի «Վույ աման» հիթի երկրորդ մասը

18:03 • 25/07

Գրիգոր Դանիելյանի և Հռիփսիմե Ելինյանի ընտանեկան հանգիստը Եգիպտոսում և անսպասելի հանդիպումը Գարիկի ու Ռոբի ընտանիքներին

17:17 • 25/07

Դավիթ Աղաջանյանի և Աննա Դովլաթյանի համատեղ հանգիստը

16:00 • 25/07

«Անսովոր է, որ արդեն 30–ն անց եմ». Լուսինե Թովմասյանը` տարեդարձի խնջույքի և դստեր դիզայնով տորթի մասին

13:01 • 25/07

«Մենք ընկերներ չէինք». Նազենի Հովհաննիսյանը Լուսինե Թովմասյանի 32–ամյակի առթիվ պատմել է, թե ինչպես իրենք դարձան ընկերներ

12:02 • 25/07

«Հայաստանն ուրիշ երկիր է, սա մեզ համար ստեղծագործական մարտահրավեր է». Comedy Club-ը Երևան կգա ամբողջ կազմով

17:52 • 24/07

«Չեմ խուսափում իմ բիոլոգիական տարիքից». Լուիզա Ներսիսյանի տարեդարձի խնջույքը

15:33 • 24/07

Հայտնի են «Դեպի մանկական Եվրատեսիլ»-ի մասնակիցների անունները

14:31 • 24/07

«Իմ երեխային տիկնիկի պես էի վերաբերում, բայց օրինակելի տատիկ կլինեմ». Վիվյեն Բաստաջյանը` վաղ տարիքում մայրանալու և արդեն տատիկ դառնալու մասին

11:28 • 24/07

«Հուսով եմ` մի օր Հայաստանն Ամերիկայից էլ մեծ երկիր է դառնալու». Nas Daily-ն չի ուզում հեռանալ Հայաստանից

17:12 • 23/07

«Հարյուրապատիկ ավելի շատ եմ սիրում կնոջս». Դավիթ Գրիգորյանը` զույգ երեխայի սպասելու մասին